İtaliya · Università degli Studi di Torino

Talents 4 UniTO 2027/28

Torino universitetinin 20 ingiliscə magistratura proqramı üçün ildə 40 təqaüd (hər proqrama 2). Hər təqaüd cəmi €20,000 gross (€10,000/il × 2 il) + tuition fee azadlığı (yalnız birinci taksit qalır). Müraciət ayrıca yoxdur — apply.unito.it portalı üzərindən magistr ərizəsi avtomatik olaraq seçim prosesinə daxildir. Maksimum 2 proqrama müraciət imkanı.

Konsultasiya al Rəsmi sayt — unito.it

Rəsmi mənbələr: unito.it · apply.unito.it

Ümumi

Talents 4 UniTO — Università degli Studi di Torino (UniTO) tərəfindən beynəlxalq tələbələrə təklif olunan iki illik magistratura təqaüdüdür. Universitet 1404-cü ildə təsis olunub və İtaliyanın top-5 universiteti arasındadır (ANVUR araşdırma reytinqində 3-cü).

Proqram ilk dəfə 2024/25 dövründə 38 təqaüdlə başladı, 2026/27-də 40 təqaüdə qaldırıldı. 2027/28 dövrü üçün də 40 təqaüd gözlənilir — 20 ingiliscə magistratura proqramına hər birinə 2 təqaüd.

Təqaüdün ən böyük üstünlüyü — ayrıca müraciət forması yoxdur. Tələbə uyğun proqramlardan birinə (və ya ikisinə) apply.unito.it portalı üzərindən magistr müraciəti edirsə, avtomatik olaraq seçim prosesinə daxil edilir. Hər proqramın akademik komitəsi 50 bal şkalası üzrə qiymətləndirir — minimum 36 bal və ən yüksək 2 namizəd təqaüd qazanır.

Xülasə

Təşkilat: Università degli Studi di Torino
Maliyyələşdirici: Universitetin öz büdcəsi
Yer: Torino, Piyemonte (bəzi proqramlar Biella və Asti şəhərlərində)
Proqram tipi: Yalnız magistratura (Laurea Magistrale, 2 il)
Tədris dili: Tamamilə ingiliscə (16 proqram) və ya ingilis kurikulumlu (4 proqram)
Müraciət portalı: apply.unito.it (universitet qəbulu üçün)

Cəmi məbləğ: €20,000 gross (vergi tutula bilər)
Hər il: €10,000 (2 hissə × €5,000)
Tuition: Tam azadlıq (yalnız birinci taksit qalır)
Bal şkalası: 50 baldan maks., 36 bal minimum keçid
Hər proqrama: 2 təqaüd (top-2 namizəd)
İngilis dili: B2 CEFR (IELTS 5.5+, TOEFL 70+)

Uyğun proqramlar

Talents 4 UniTO təqaüdü 20 magistratura proqramına şamil olunur. Bunlar iki kateqoriyaya bölünür: tamamilə ingiliscə tədris olunan və ingilis kurikulumlu (italyan proqramının ingilis bölməsi):

Tamamilə ingiliscə proqramlar (16)

Area and Global Studies for International Cooperation
Artificial Intelligence and High Performance Computing Technologies
Artificial Intelligence for Biomedicine and Healthcare
Biotechnological and Chemical Sciences in Diagnostics
Biotechnology for Neuroscience
Cellular and Molecular Biology
Cultural Heritage and Creativity for Tourism (Biella kampusu)
Economics

English and American Studies
European Legal Studies
Geography and Territorial Sciences
Language Technologies and Digital Humanities
Materials Science
Molecular Biotechnology
Quantitative Finance and Insurance
Stochastics and Data Science

İngilis kurikulumlu proqramlar (4)

Animal Nutrition and Feed Safety — Animal Sciences proqramının ingilis bölməsi (Grugliasco kampusu, Torino-dan 10 km)
International Viticulture and Enology — Üzümçülük və enologiya (Asti kampusu, Torino-dan 60 km, qatar əlçatandır)
Philosophy — Fəlsəfə proqramının ingilis bölməsi
Smart Agriculture — Aqrar Elmlər proqramının ingilis bölməsi

ⓘ Diqqət: Bütün bu proqramlar "non-restricted" (yer məhdudiyyəti olmayan) kategoriyadadır. Yəni admission test/IMAT yoxdur, qəbul akademik profilə əsasən aparılır. Limited-access proqramlar (məsələn tibb) Talents 4 UniTO-ya daxil deyil.

Təqaüd nəyi qarşılayır

Talents 4 UniTO iki əsas elementdən ibarətdir — iki illik stipendiya və tuition azadlığı. Bəzi xərclər tələbənin öz hesabına qalır:

€20,000 gross stipendiya — 4 hissədə (hər il €10,000, hər ödəniş €5,000)
Tuition fee tam azadlıq — yalnız hər ilin birinci taksiti qalır
İtalyan IBAN-a köçürmə — yalnız tələbənin adına olan italyan və ya birgə hesab
2 il davamlı — magistratura proqramının hər iki ilini əhatə edir

Birinci taksit (tuition) — hər akademik il üçün ödənilir, məbləğ proqrama görə dəyişir
Yataqxana və yemək — Torinoda ayda €600-900 (Milanodan ucuz)
Sığorta və viza xərcləri — tələbənin öz hesabına
Vergi: €20,000 gross-dur — italyan vergi qaydalarına görə vergi tutula bilər

ⓘ Digər təqaüdlərlə birləşdirilə bilməz. Talents 4 UniTO İtaliya hökumətinin və ya hər hansı italyan/xarici qurumun verdiyi başqa təqaüdlə, o cümlədən EDISU regional təqaüdü ilə birləşdirilə bilməz. Tələbə qalibsənsə, başqa təqaüd qazanmısınızsa, yazılı şəkildə internationalstudents@unito.it-yə bildirməlisiniz.

Uyğunluq tələbləri

Bütün şərtlər ödənməlidir

Qeyri-italyan diplom: Bakalavr (və ya bərabər) diplomun italyan sistemindən kənar institutdan alınmalıdır. Azərbaycan bakalavrı uyğundur.
Qeyri-italyan vətəndaşlıq: İtalyan vətəndaşı olmamalısan. Dual vətəndaşlıq (italyan + başqa) olarsa, italyan vətəndaşlığı üstün olduğu üçün qeyri-uyğun sayılırsan.
İtaliyada yaşamır: Müraciət vaxtı İtaliyada qeydiyyatlı yaşamamalısan. Etibarlı oturum icazəsi ilə yaşayan qeyri-Avropa vətəndaşları da uyğun deyil.
Maksimum 2 proqrama müraciət: apply.unito.it portalında ən çox 2 proqram seçilə bilər. Hər biri üçün ayrı sənəd toplusu hazırlanır.
İngilis dili B2: Minimum CEFR B2 səviyyə — IELTS 5.5+, TOEFL 70+, və ya bərabəri.

Kim seçim prosesindən kənarda qalır

1-ci ildən sonrakı illərə (2-ci, 3-cü) qeydiyyat edənlər
Proqram dəyişdirməyi tələb edənlər
Başqa universitetdən köçürülmə (transfer) edənlər
İtalyan vətəndaşlığı (dual da) olanlar
İtaliyada qeydiyyatlı yaşayanlar
Əvvəllər UniTO və ya hər hansı italyan/xarici universitetdə hər hansı proqrama qeydiyyatdan keçmiş tələbələr — paralel qeydiyyat da daxil
Başqa təqaüd alan tələbələr (italyan və ya xarici)

Seçim prosesi və balın hesablanması

Hər proqram üçün ayrı "Evaluation Teaching Committee" (Akademik Qiymətləndirmə Komitəsi) qurulur. Komitə akademik heyətdən ibarətdir və ən yaxşı 10 namizəd üçün reytinq siyahısı tərtib edir.

Bal şkalası

Maksimum bal: 50 bal
Minimum keçid: 36 bal
Reytinq: Hər proqramda top-10 namizəd siyahıya alınır
Təqaüd: Hər proqramda yalnız top-2 alır

Bərabərlik halı: Daha gənc namizəd üstündür
Yenidən təyinat yoxdur: Bir proqramda təqaüd verilməyibsə, başqa proqrama köçürülmür
Reytinq dərc: 14 may (2027 üçün proyeksiya: ~14 may 2027)
Şəxsi bildiriş yox: Yalnız sayt vasitəsilə

Qiymətləndirmə meyarları

Müraciətin əvvəlki təhsil və motivasiya ilə ardıcıllığı — bakalavr fakültəsi seçilən magistr proqramı ilə uyğun olmalıdır
İngilis dili səriştəsi — IELTS/TOEFL balı və CV-dəki dil təcrübəsi
CV-nin ümumi qiymətləndirilməsi — akademik nailiyyətlər, layihələr, iş təcrübəsi, çap olunmuş əsərlər
Qəbul testi və/və ya müsahibə nəticəsi — bəzi proqramlarda var (məsələn Stochastics and Data Science)

Ödəniş cədvəli

€20,000 cəmi məbləğ 4 hissədə ödənilir — hər ildə 2 dəfə. Hər hissənin ödənilməsi üçün konkret tələblər var:

1-ci ilin 1-ci hissəsi — Dekabr 2027 (təxmini)

€5,000 gross. Şərt: 13 noyabr 2027-ə qədər qeydiyyat tamamlanmalıdır. Geç qeydiyyat (final deadline-a qədər) edilirsə, ödəniş fevral 2028-də olur.

1-ci ilin 2-ci hissəsi — Oktyabr/Noyabr 2028

€5,000 gross. Şərt: 30 sentyabr 2028-ə qədər birinci ilin kreditlərinin ən azı 50%-i toplanmalı və orta bal ≥ 27/30 olmalıdır.

2-ci ilin 1-ci hissəsi — Mart 2029

€5,000 gross. Şərt: 2-ci ilə qeydiyyat tamamlanmalı və 29 fevral 2029-a qədər birinci ilin kreditlərinin 80%-i toplanmalı, orta bal ≥ 27/30 olmalıdır.

2-ci ilin 2-ci hissəsi — Oktyabr/Noyabr 2029

€5,000 gross. Şərt: 30 sentyabr 2029-a qədər birinci ilin kreditlərinin 100%-i və ikinci ilin kreditlərinin 50%-i toplanmalı, orta bal ≥ 27/30 olmalıdır.

ⓘ Vacib: Ödənişlər yalnız italyan IBAN hesabına köçürülür — Azərbaycan və ya başqa SEPA hesabına ödəniş edilmir. Hesab tələbənin adına və ya birgə (məsələn yoldaşı ilə) ola bilər. Əvvəlki təhsildən tanınan kreditlər (transfer credits) ECTS sayına daxil edilmir — yalnız UniTO-da verilən imtahanlar sayılır.

Yenilənmə şərtləri

Talents 4 UniTO 2 il qarantiyalı deyil — birinci ildən sonra yenilənmə üçün konkret akademik tələblər var. Şərt yerinə yetirilməsə, təqaüd itirilir və müəyyən hallarda alınmış məbləğ geri qaytarılır.

Akademik tələblər:
1-ci ilin sonu — ən azı 50% kredit (30 sentyabr 2028)
2-ci ilə keçid — 80% kredit + GPA ≥ 27/30 (29 fevral 2029)
2-ci ilin sonu — 100% + 50% kredit (30 sentyabr 2029)
Bütün ödənişlər GPA ≥ 27/30 şərtinə bağlıdır

İmtina və köçürülmə:
Proqram dəyişdirsən — alınmış məbləğin 50%-i geri qaytarılır
Başqa universitetə transfer — 50% geri qaytarılır
Təhsildən imtina — 50% geri qaytarılır
Başqa təqaüd alıb bildirməsən — 50% geri qaytarılır

ⓘ Krediti çatdırmasan: Akademik tələbi yerinə yetirməyən tələbə təqaüdü itirir, lakin geri ödəmə yox — sadəcə növbəti hissələr ödənmir. Lakin proqram dəyişdirmə və ya transfer halında 50% geri qaytarılır. Xüsusi hallarda Akademik Komitə Beynəlxalq Təhsil üzrə Vitse-Rektor ilə birlikdə qərar verə bilər.

2027/28 dövrü üçün tarixlər (təxmini)

Universitet 2027/28 dövrünün rəsmi cədvəlini noyabr 2026-da elan edəcək. Aşağıdakı tarixlər 2026/27 dövrünün cədvəlinə əsasən proyeksiya edilib:

~25 Noyabr 2026

Müraciət portalı açılır. apply.unito.it üzərindən magistr müraciəti başlayır. Talents 4 UniTO üçün ayrı forma yoxdur — proqram müraciəti avtomatik olaraq seçim prosesinə daxildir.

~29 Yanvar 2027 (təxmini)

SON MÜRACIƏT TARIXİ. Bütün sənədlər portala yüklənmiş və müraciət təsdiqlənmiş olmalıdır. Maksimum 2 proqram seçilə bilər. Email vasitəsilə və ya çoxlu hesabdan müraciət qəbul edilmir.

Fevral – Aprel 2027

Qiymətləndirmə. Hər proqramın Akademik Qiymətləndirmə Komitəsi sənədləri 50 ballıq şkala üzrə qiymətləndirir. Bəzi proqramlarda əlavə müsahibə və ya test ola bilər.

~14 May 2027 (təxmini)

REYTİNQ DƏRC EDİLİR. Hər proqram üçün ayrı reytinq siyahısı unito.it saytında dərc edilir. Şəxsi bildiriş yoxdur — namizədlər özləri yoxlamalıdır.

Reytinqdən sonra 10 gün

Qəbul müddəti. Qaliblər 10 gün ərzində internationalstudents@unito.it-yə email göndərib təqaüdü qəbul etməlidir + imzalanmış acceptance letter göndərməlidir. Bu müddətdə qəbul edilməsə, təqaüd növbəti namizədə keçir.

İyul – Sentyabr 2027

Viza prosesi. Qeyri-Avropa qaliblər (Azərbaycan daxil) UNIVERSITALY-də Torino üçün preiscrizione tamamlamalı və Bakıdakı İtaliya səfirliyinə D-tipli tələbə vizası üçün müraciət etməlidirlər.

13 Noyabr 2027

QEYDIYYAT DEADLINE — DEKABR ÖDƏNIŞI. Bu tarixə qədər UniTO-da qeydiyyat tamamlanarsa, birinci ödəniş (€5,000) dekabr 2027-də alınır. Geç qeydiyyat — fevral 2028.

30 Noyabr 2027

Reytinq scroll deadline. Bu tarixdən sonra reytinq dəyişmir — yəni viza ala bilməyən və ya qəbul etməyən qaliblərin yeri növbəti namizədə keçirilmir.

Dekabr 2027

Birinci ödəniş. €5,000 italyan IBAN hesabına köçürülür. Birinci semestr başlamış olur.

ⓘ Vacib: 2027/28 dövrü üçün rəsmi elan təxminən noyabr 2026-da dərc ediləcək. Tarixlər və proqram siyahısı bir az dəyişə bilər. Konkret tarixlər unito.it/apply.unito.it səhifələrindən izlənilməlidir. Müraciət prosesində dəstək üçün Passport Academy konsultasiyasından istifadə edə bilərsiniz.

Talents 4 UniTO üçün hazırlığa başlayaq

20 proqramdan sənə hansı uyğun gəlir? CV-ni necə gücləndirməli? IELTS B2 artıq varmı? Maksimum 2 proqrama necə düzgün strategiya ilə müraciət etməli? Passport Academy 2016-cı ildən bəri Azərbaycanlı tələbələri Torinoya yönləndirir — sənin profilinə uyğun strategiya quraq.

Ödənişsiz konsultasiya al